الشروط والأحكام
آخر تحديث: 21 تشرين الثاني 2026
من نحن
مشربية بتصمم وبتطوّر مواقع ومنيوهات رقمية وصفحات عرض للمطاعم والمحلات والنوادي، وبتنشرها على الإنترنت.
الاتفاق
السعر ومدة التسليم وعدد التعديلات المشمولة بيتحددوا بالاتفاق معك قبل ما نبلّش. الاتفاق المكتوب على واتساب أو إنستغرام بيعتبر اتفاق بيناتنا.
الدفع
بندفع دفعة أولى قبل البدء (عادةً نص المبلغ)، والباقي عند التسليم. الدفعة الأولى ما بترجع بعد ما نبلّش الشغل، لأنها بتغطّي التصميم اللي انعمل.
المحتوى
إنت مسؤول عن صحة المعلومات اللي بتعطينا ياها: الأسماء والأسعار والأرقام والصور، وعن حقك باستخدامها. منفرجيك نسخة تجريبية قبل النشر لتوافق عليها.
التسليم والتعديلات
بعد التسليم في 7 أيام مراجعة، منصلّح فيها ببلاش أي خطأ من عندنا. التعديلات الجديدة بعدها، متل إضافة أصناف أو تغيير التصميم، بتكون بسعر منتفق عليه.
الاستضافة والرابط
منرفع الموقع على استضافة مجانية (Netlify) برابط فرعي. إذا بدك دومين خاص، تكلفته عليك ومنساعدك نربطه. ما منضمن إنو خدمات الطرف التالت تشتغل بلا انقطاع أبداً، بس منتابع أي عطل بأسرع وقت.
الملكية
اسم محلك وشعارك وصورك ومعلوماتك إلك. التصميم والكود من شغل مشربية، وإلك حق تستخدمهم لموقعك طول ما المستحقات مدفوعة.
سطر الحقوق
كل موقع منسلّمه فيه بأسفله سطر صغير "جميع الحقوق محفوظة لمشربية" مع رابط لموقعنا. شيل هالسطر بيحتاج اتفاق منفصل.
عرض الشغل
منقدر نعرض موقعك بين أعمالنا وعلى حساباتنا. إذا ما بدك، قلّنا ومنحترم طلبك.
إيقاف الموقع
منقدر نوقف الموقع إذا ما اندفعت المستحقات المتفق عليها، أو إذا انستخدم لشي مخالف للقانون.
المسؤولية
ما منتحمّل خسائر غير مباشرة ناتجة عن استخدام الموقع أو توقّفه المؤقت.
تحديث الشروط
منقدر نحدّث هالشروط بأي وقت، والنسخة المنشورة على هالصفحة هي المعتمدة.
سياسة الخصوصية
- مواقعنا ما بتجمع معلومات شخصية عن الزوار، وما فيها تسجيل دخول ولا حسابات.
- بعض الميزات، متل بطاقة الولاء أو تذكّر اللغة، بتحفظ بيانات بسيطة على جهازك إنت بس، وما بتوصلنا.
- ما منبيع ولا منشارك أي بيانات مع حدا.
- شركة الاستضافة (Netlify) ممكن تسجّل بيانات تقنية عامة متل عنوان IP، لأسباب الأمان والتشغيل.
- روابط الخرائط وفيسبوك وإنستغرام بتفتح مواقع تانية إلها سياسات خصوصية خاصة فيها.
لأي سؤال راسلنا على إنستغرام: @mashrabiya.sy